Á volta das vacacións de Semana Santa o ramo de Pascua, estilo centroeuropeo, xa folleara moito...
e algún ovo xa nos escachou...
Á volta das vacacións de Pascua a Campaíña de Pascua que mandamos a Roma (tradición francesa) tíñanos unha cestiña de sorpresas. Durante varios días lle dixéramos:
Campaíña, campaíña , campaíña,
por favor, vai a Roma axiña
e á volta da Pascua
trainos ovos rauda.
... Ata que por fin desapareceu e foise...
e á volta tróuxonos uns coelliños e ovos de Pascua para cada un.
Algúns debuxos de Domingo de Ramos e o que trouxo a Campá de Pascua
ao vir de Roma... e a busqueda pola aula, feitos na casa.
Sabela tróuxonos moitos. moitos oviños de Pascua, como de paxariños, e poidemos repartir cos das escolas de: Vixoi, A Carreira 2, Vilaboa e Vilarrube.
O queique estaba boísimo. O marmelo non se probou ata o día seguinte e tamén estaba... guai!!
Durante a semá fóronse rematando algúns traballos pendentes... e iniciando outros que xa iremos poñendo cando estean rematados...
Algúns debuxos de tema libre, feitos na casa...
O Día do libro, 23 de abril: un libro e unha flor como a tradición catalana. Fixemos papoulas vermellas en lembranza do sangue do dragón que matou San Xurxo
e que fixo que florearan flores vermellas...
O día 26 foi o cumpre de Alba, ela fixo as rutinas e fixémoslle todos os rituais do cumpreanos empezando por cantarlle "Las mañanitas"
O día 27 fomos con todas as escolas do CRA aos bombeiros de Ferrol, fomos no bus cos de Vilarrube e Vilaboa. O primeiro coche de bombeiros que vimos ten 60 anos e xa non o usan.
Despois vimos o coche que leva a escaleira para entrar nos edificios polas ventás. Cada vez que subía máis decíamos: Oooooh!!! abraiados
